Vaa Vaya Ne Vadal Umatya – Narsinh Mehta Bhajans
Vaa Vaya Ne Vadal Umatya – Narsinh Mehta Bhajans
વા વાયા ને વાદળ ઊમટ્યાં,
ગોકુળમાં ટહુક્યા મોર,
મળવા આવો સુંદીરવર શામળિયા.
તમે મળવા તે ના’વો
શા માટે નહીં આવો તો
નંદજીની આણ … મળવા.
તમે ગોકુળમાં ગોધન ચોરંતા,
તમે છો રે સદાના ચોર … મળવા.
તમે કાળી તે કામળી ઓઢંતા,
તમે ભરવાડના ભાણેજ … મળવા.
તમે વ્રજમાં તે વાંસળી વાજંતા,
તમે ગોપીઓના ચિત્તના ચોર … મળવા.
મહેતા નરસિંહના સ્વામી શામળિયા,
એમને તેડી રમાડ્યા રાસ … મળવા.
વા વાયા ને વાદળ ઊમટ્યાં – નરસિંહ મહેતા