The Herd And The Mavis by George MacDonald

“What gars ye sing,” said the herd-laddie,
“What gars ye sing sae lood?”
“To tice them oot o’ the yerd, laddie,
The worms for my daily food.”

An’ aye he sang, an’ better he sang,
An’ the worms creepit in an’ oot;
An’ ane he tuik, an’ twa he loot gang,
An’ still he carolled stoot.

“It’s no for the worms, sir,” said the herd;
“They comena for your sang!”
“Think ye sae, sir?” answered the bird,
“Maybe ye’re no i’ the wrang!”

But aye etc.

“Sing ye young Sorrow to beguile,
Or to gie auld Fear the flegs?”
“Na,” quo’ the mavis, “I sing to wile
My wee things oot o’ her eggs.”

An’ aye etc.

“The mistress is plenty for that same gear
Though ye sangna air nor late!”
“I wud draw the deid frae the moul sae drear.
An’ open the kirkyard-gate.”

An’ aye etc.

“Better ye sing nor a burn i’ the mune,
Nor a wave ower san’ that flows,
Nor a win’ wi’ the glintin stars abune,
An’ aneth the roses in rows;

An’ aye etc.

But a better sang it wud tak nor yer ain,
Though ye hae o’ notes a feck,
To mak the auld Barebanes there sae fain
As to lift the muckle sneck!

An’ aye etc.

An’ ye wudna draw ae bairnie back
Frae the arms o’ the bonny man
Though its minnie was greitin alas an’ alack,
An’ her cries to the bairnie wan!

An’ aye etc.

An’ I’ll speir ye nae mair, sir,” said the herd,
“I fear what ye micht say neist!”
“I doobt ye wud won’er, sir,” said the bird,
“To see the thouchts i’ my breist!”

See also  The Empty Quatrain by Henry van Dyke

An’ aye he sang, an’ better he sang,
An’ the worms creepit in an’ oot;
An’ ane he tuik, an’ twa he loot gang,
An’ still he carolled stoot.

Leave a Reply 0

Your email address will not be published. Required fields are marked *