Chakshu Badlani Ne – Gangasati Bhajans

Chakshu Badlani Ne – Gangasati Bhajans

ચક્ષુ બદલાણી ને સુવાંત વરસી,
ને ફળી ગઈ પૂરવની પ્રીત રે.
ટળી ગઈ અંતરની આપદા,
ને પાળી સાંગોપાંગ રૂડી રીત રે … ચક્ષુ.

નાભિકમળમાંથી પવન ઉલટાવ્યો,
ને ગયો પશ્ચિમ દિશામાંહ્ય રે,
સુસ્તી ચડી ગઈ સૂનમાં,
ને ચિત્ત માંહી પુરૂષ ભાળ્યા ત્યાંય રે … ચક્ષુ.

અવિગત અલખ અખંડ અવિનાશી રે
અવ્યકતા પુરૂષ અવિનાશી રે,
બાળીને સુરતા એમાં લય થઈ ગઈ,
હવે મટી ગયો જન્મનો ભાસ રે … ચક્ષુ.

ઉપદેશ મળી ગયો ને કરાવ્યો
પરિપૂરણ અભ્યાસ રે,
ગંગા રે સતી એમ બોલિયાં ને
આવ્યો પરિપૂરણ વિશ્વાસ રે … ચક્ષુ.

ચક્ષુ બદલાણી ને સુવાંત વરસી – ગંગા સતી

Leave a Reply 0

Your email address will not be published. Required fields are marked *